Mawkyrwat, Risaw 28 : Ka ophis jong u District Sports Officer (DSO), South West Khasi Hillls District lem bad ka District Sports Promotion Society kan pynlong ïa ka “Run for Unity” ha ka 31 tarik Risaw, 2022 kum shibynta ban rakhe ïa ka ‘National Unity Day’ ha Mawkyrwat.
Ha kane ka jingïamareh kaba 6 km yn shah kat kiba kwah ban ïashimbynta shynrang bad kynthei bad yn shim kyrteng ha katei hi ka sngi naduh ka por 6 baje mynstep ha Circuit House, Mawkyrwat.
Ïa ki lynti ba dei ban mareh ynsa pyntip hi ha katei ka sngi bad ïa kiba jop ha kane ka jingïamareh yn ai syrnod ha ryngkat ka song pisa (ba nyngkong – T. 3000/-, ba ar – T. 2000/-, ba lai – T. 1000/-, ba saw haduh ba hynriew – T 500/- bad yn sam ruh ïa ki khusnam sha ki nongïashimbynta kiba rit duh bad kiba heh duh kiba poi haduh bakut).
