Shillong, Kyllalyngkot 17 : Ka East Khasi Hills Cricket Association (EKHCA) kan sa pynlong ïa ka wat kaba ar jong ka lympung ïalehkai District League T20 Cricket Tournament 2023 (tang na ka bynta ki club kiba hap hapoh East Khasi Hills Cricket Association).
Ïa katei ka District League T20 Cricket Tournament 2023 yn pynlong ha madan ïalehka jong ka Smit Pyllun, Smit kaban sdang naduh ka taïew ba ar jong u Rymphang 2023.
Ka Association ka la pyntip ba ka tarik ba khatduh ban pynrung kyrteng kan long ha ka 1 tarik Rymphang 2023.
