Mawkyrwat, Nailur 17: Kum shibynta jong ka jingrakhe ïa ka “11 Ayurveda Day Celebration 2026”, na ka liang ka 10 – Bedded Integrated AYUSH Hospital, Mawkyrwat kan sa pynlong ïa ka “RUN FOR AYURVEDA” Marathon 2026 ha Mawkyrwat, South West Khasi Hills District ha ka 19 tarik
u ‘Nailur, 2026.
Namarkata, la pyntip ba kiba kwah ban ïashimbynta ha kane ka jingmareh thong ki lah ban wan ha ka 19 tarik u ‘Nailur,
2026 ha phyllaw jong ka Civil Hospital Mawkyrwat ban leh ïa ka registration, khlem jingsiew pisa ka ban sdang naduh ka por 4:30 haduh 5:30 mynstep.
Ka jingmareh thong kan sdang ha ka por 6 baje mynstep. La bthah ruh ba kiba wan ïashimbynta kin wan rah ruh ïa ki kot jingpynshisha ha kaba na ka bynta kiba 18 haduh 55 snem kin wanrah da ka Epic Card/Adhar Card bad kiba dei ha ka karta 13 haduh 17 kin wan rah da ka Birth Certificate.
Na ka bynta ki nongjop, na ka liang ka 10
– Bedded Integrated AYUSH Hospital, Mawkyrwat ka la pynkhreh ruh ka jingaisngewbha ne ki khusnam.
