Jowai, Ïaïong 13: Ka ophis jong u General Manager, District Commerce & Industries Centre, Jowai ka khot sngewbha ïa baroh sha ka District Level Industrial Exhibition, ka ïew pyni tiar kaba ar (2) sngi ka ban long ha ka 19 bad ka 20 tarik u Naitung (April), 2023 ha Ladthadlaboh Indoor Sports Hall Daimasi.
Ha kane ka Exhibition kan sa don ruh ka jingpyni paidbah ïa ki tiar ki tar, ki mar bam mar ba bun jait ba la shna da ki briew bad ki seng ba la seng da ki hi. Kin don ruh ki nongtem ba pawnam Ki “Nexus” Band.
Ïa katei ka ïew ba ar sngi yn sa wan plie ha ka 19 tarik u Naitung (April), 2023 da u MLA ma Wailadmiki Shylla ha ka jingdonglang u Deputy Commissioner, West Jaiñtia Hills District ban B. S Sohliya, IAS nalor kiwei de.
