Pdiang burom ka Seiñraij Jowai ïa ki Mawbynna ka Lympung Sengkhihlang ha Shnong Tyrsad

Jowai, Ïaïong 14: Ka Seiñraij Jowai ryngkat ka Dorbar Ñiam ki khun ka Raij Jowai mynta k sngi 14 tarik u Ïaïong kila pynlong ka jingïalang pdiang burom ïa ka jingïaidlynti ki Mawbynna ba la wanrah na Raij Narwan, East Jaiñtia Hills, Elaka Shangpung ki ban long ki maw sahnam jong ka Lympung ba 33 ka Sengkhihlang ha Shnong Tyrsad, East Khasi Hills.
Ha ka jingïalang pdiang burom ba la pynlong ha Myntdu, Pynthorneiñ ha ka jingïadonlang u Dolloi Elaka Jwai Waheh Puramon Kynjin, ki Waheh Wasian ka Seiñraij wa ki Waheh Wasian ka Ñiamtre na kiwei ki Raij ki shnong. Na ka liang u Arwotki Sumer General Secretary Seinraij ula ai ki kyntien kitbok kitrwiang katba u Raymond Nyrtiang, Pator Raij Jawai u la pyndep ïa ka ñiam ka rukom ryngkat ka nguh ka dem bad ka suit ka shor khnang ba ka jingïaidlynti ki mawbynna kan long kaba shongkun shongblei ryngkat ka phuh ka phieng ka ñiam ka rukom.
Ïa kine ki mawbynna yn pynïeng ha ka sngi ba bud 15 tarik Ïaïong khnang ba kin long ki maw sahnam sahkynmaw ïa ka Lympung ba 33 ka Sengkhihlang ha Shnong Tyrsad.