Shillong, Nailar 8 : Ka tnad pule puthi jongka jylla ka la rai ban pan kaiphod na baroh ki skul private hapoh ka jylla halor ka jingshim baiskul jongki.
Kane ka rai ka la mih hadien ba la don ba wan ujor sha ka tnad pule puthi ïa ka jingshim rem jong ki skul private ïa ka baiskul bad ïa kane la ju ujor bad ud ruh da ki kmie ki kpa bad ki seng bhalang na ka por sha ka por.
“ Ngi la pan kaiphod na ki skul private bad wat na ki skulbah ruh khnang ban tip haduh katno ki oh ïa ka baiskul” ong u myntri.
“ Hadien ba ngi la ïoh ïa ka kaiphod ngin sa shim rai kumno ban leh halor kane lehse ngi lah ban khot ïakren bad ïa pynbeit bad ki nongpynïaid kitei ki private skul ruh namar ki don ki skul private kiba ym pat ïoh ne kiba ïoh tang malu mala ka jingkyrshan na ka sorkar ruh” ong u Rakkam.
