Shillong, Jymmang 13: Ka long ka burom ïa ka jylla Meghalaya ba ka samla Nandini Ishvi O. Sangma ka la shah jied ban leit mihkhmat ïa ka Ri India sha ka Commonwealth Youth Parliament kaba khatlai sha ka ri Australia, kane ka jingïalang ka ban long 6 sngi lynter na duh ka 26 haduh 31 Naitung 2026 kan long ha Sydney.
Ka Nandini kan leit ban mihkhmat ïa ka Ri India bad sanngut kiwei pat kiba kiba la shah jied kyrpang bad ka rta jong ki ka dei ban long hapdeng 18 haduh 29 snem na ki ri kiba don ha ka Commonwealth ban shah hikai ban long kum ki nongïalam.
Ka Nandini ka dei ka samla kaba pule ha ka Political Science ha Don Bosco College, Tura ka jingshah jied ka jong ka dei halor ka jingtbit jong ka ban kren bad ha kane ka jingïalang kaba la dep ban pynlong ha ka 2 bad 3 tarik Lber 2026 ha Tura.
Kane ka Commonwealth Youth Parliament la saiñ dur ha kata ka rukom ban ai jinghikai ïa ki samla ban long ki nongïalam bad ka pynleit jingmut ha kata ka rukom ba kumno la pynïaid ïa ki Ïing dorbar ha ka synshar paidbah.
