Yn leit pynsngew paidbah ïaki skim sorkar sha ki 49 tylli ki shnong hapoh ka Thadlaskeiñ Block

Jowai, Naiwieng 16: Ka ophis u Deputy Commissioner, ka West Jaiñtia Hills District, Jowai ha ryngkat ka jingïatreilang bad ka Ministry of Tribal Affairs kila pynlong ïa ka prokram Hamara Sankalp Viksit Bharat ha Thadlaskeiñ C&RD Block, West Jaiñtia Hills. Ïa kane ka prokram ai jinghikai la pynlong ha ATS Kyortyrkhang, Khliehtyrshi West Jaintia Hills District, ha kaba na ka liang jong katei ka ophis Block, ka KVK, Agriculture, Branch Manager SBI, Jowai, kiba mih khmat na ka LPG Gas Agency kila wan ban ai jingbatai bniah ïa ki nongshong shnong ki ban ïoh jingmyntoi na ki skim bapher bapher jong ka sorkar kiba kynthup ïa ka PMAY, PMJAY, NRML, Atal Pension Yojna, PM Jan Dhan Yojana, Nano fertilizers bad kiwei de.
Mynta hi ka sngi ïa kane ka juh ka prokram la pynlong ha Moopyllaitsyiar, Khliehtryshi bad la ïashim bynta ruh haka ban pule ïaka Viksit pledgebala ïalam da u ma B. Langbang, BDO ka Thadlaskeiñ Block.
U ma B. Langbang, ula pyntip ba ka Viksit Bharat Sankalp kadei ka skim ba pyntreikam da ka sorkar kmie ban pynpoi khnang sha ki paidbah nongshong shnong lyngba ka kali (van) IEC (Information, Education and Communication). Kane ka kali IEC kan leit rung sha ki 49 ki shnong hapoh ka Thadlaskeiñ Block na ka bynta ban ai jinghikai shaphang kine ki skim jong ka sorkar.
Ha kane ka prokram na ka liang ka tnad jong ka koit ka khiah kila pynlong ia ka jingai jingsumar ei ban test ïa BP, TB screenings, lem bad ki smart card service. Kiba ju ïoh myntoi na ka sorkar ha kane ka sngi kila ïoh lad ban pynpaw shaphang ki jingmyntoi kaba kila ïoh na kine ki skim sorkar. La don ruh ka jingleh skit ba la shim bynta da ka VO jong katei ka shnong ha ryngkat ka khubor ban ïada ïa ka mariang.