Yn leit iashimbynta ka PFR Football Accademy sha ka OIL – DFA All India U19 Invitation Football Tournament ha Duliajan

Shillong, Naiwieng 11: Ka PFR Football Academy kaba long kawei na ki shlem ai jinghikai haka phutbol hapoh ka jylla kala shah khot ban ïashimbynta haka lympung lehkai kaba la tip da ka All India Invitation Tournament jong ka OIL – DFA ka lympung kaba dei na ka bynta kiba dang 19 snem shapoh, ka ban sa pynlong ha Duliajan, Assam.
Ha kane ka lympung ïalehkai ka PFR Football Academy ka la shah thup hapoh jong ka Group C ha ryngkat bad ka SAI Manipur lem bad ka kynhun kaba jop naka Match 3 jong ka 1st Round.
Ka jingïalehkai kaba nyngkong jong ka PFR Football Academy kan dei haka 13 tarik Naiwieng, 2023 pyrshah ïa ka kynhun kaba khur namjop na ka Match 3 bad ka jingïalehkai ka ba ar jong ka PFR Football Academy hapoh ka league kan dei haka 15 tarik Naiwieng 2023 pyrshah ïaka SAI Manipur. Katkum ka jingpynïaid, na kawei ka Group lah ban rung tang kawei ka Team sha ka Semi Final.
Haba ïa kren bad u President jong ka Academy, u Bah Franky Kharumnuid u la ong ba kum ka Team kala pynkhreh bha naka bynta kane ka lympung bad la kyrmen ba ka Team kan poi sha khmat ha kane ka lympung.
ïa kane ka kynhun yn ïalam da u Robin Nongrum kum u Head Coach, Amrit Rai kum u Asst. Coach bad u Rephel Rapsang kum u Team Manager
Ki rangïalehkai ki ban sa mih madan ha kane ka lympung ki kynthup:
Goalkeeper: Shemlang Nongneng, Isaiah Kharumlong
Defender: Riboklang Mukhim, Aibok B Myrthong, Ribansan Marpna, Basohjingmut Sohktung, Janai Ranee, Hughbertstar Nongdhar
Midfield: Nahbad Dkhar, Samlang Rympei (C), Federick Kurbah, Leslingkomar Lyngkhoi, Iaineh Kynter, Damansan Kharkongor
Side Midfield: Closing Lynshing, Vicky Kharthangmaw, Sandy Rapsang, Johaib Momin
Striker: Bansumar Syiem, Ricky Pohtam