Yn khlieh ki Minister ka MDA ïa ki Regional Committee pynbeit pud

0

Shillong, Lber 22: U Myntri Rangbah, u Conrad Sangma, ha ka sngi Balang u la pyntip ïa ki kyrteng jong ki Dkhot ba thymmai jong ki Regional Committee na ka bynta ka jingïapynbeit pud ha ka bynta kaba ar.
Na ka bynta ka Regional Committee kaba dei ïa ka Ribhoi District, ïa ka Committee yn khlieh da u Bah Prestone Tynsong, Myntri ka tnad PWD bad kiwei kiwei. Ki dkhot pat kin long u Bah S. Sohtun, MLA Jirang, Bah Mayralborn Syiem, MLA Nongpoh, Bah Damanbait Lamare, MLA Umroi, Bah Charles Marngar, MLA Mawhati, Bah Jambor War, EM Elaka ka KHADC bad u DC Ribhoi un long u Member Convener ka Committee.
Na ka bynta ka West Khasi Hills u Bah Paul Lyngdoh, Myntri ka tnad Tourism bad kiwei un long u Chairman bad ki dkhot pat ki long u Bah Renik L. Tongkhar, MLA Mawkyrwat, Bah Methodius Dkhar, MLA Mawshynrut, u RG Momin, MLA Rambrai, Bah Gigus Myrthong, Deputy CEM, Bah Banjop Pyngrope, MDC badu DC West Khasi Hills un long u Member Convener.
Na ka bynta ka West Jaiñtia Hills, u Bah Sniawbhalang Dhar, Myntri ka tnadUrban bad kiwei un long u Chairman bad ki dkhot kin long u Bah Comingone Ymbon, Myntri ka tnad Food and Civil Supply, u Bah Lahkmen Rymbui, MLA Amlarem, Bah Nujorki Sungoh, MLA Mawkaiew, Bah Thombor Shiwat, CEM ka KHADC, Bah Aiborlang Shadap, MDC ka Mukroh- Borato bad u DC West Jaiñtia Hills un long u Member Convener.
U Myntri Rangbah u la ïathuh ba kane ka Komiti ka lah ban shong nih mynta hi u bnai tang shu kut ka Assembly ne ha u bnai Jymmang mynta ka snem.

Leave A Reply

Your email address will not be published.