Shillong, Lber 22 : U Myntri ka tnad Pule Puthi ka sorkar jylla, u Rakkam A Sangma ha ka sngi Balang u la pyntip ha Ïing Dorbar ba ka jingpyntrei ha kawei ka Residential School ka la dep katba 18 tylli kiwei pat kim pat dep.
Kitei ki 19 tylli ki Residential School ki kynthup ïa lai tylli ha West Jaintia Hills kata ka Sabahmuswang residential school ha Thadlaskein, Shangpung residential school ha Laskein bad ka Pdengshakap ha Amlarem.
Ar tylli ha East Jaintia Hills, kata ka Jalapher Residential School ha Saipung bad ka Byndihati Residential School ha Khliehriat.
Ha West Garo Hills lai tylli ba kynthup ïa ka Raja Raonggat residential school ha Chokpot, Edenbari ABDK residential school ha Rongram bad ka Chitchakgre residential school ha Gambegre.
Ar tylli ha East Garo Hills ba kynthup ïa ka Insambal residential school ha Kharkutta bad Nongchram Demik residential school ha Rongjeng bad kawei ha South Garo Hills kata ka Kapasipara residential school ha Gasuapara.
Ar tylli ha East Khasi Hills, kata ka Mawsmai Nongthymmai residential school ha Shella Bholaganj bad ka Lawbah residential school ha Mawsynram, nangta kawei ha South West Khasi Hills kaba la tip kum ka Shnongkalong residential school ha Ranikor.
Ar tylli ha West Khais Hills ba kynthup ïa ka Lawbyrtun residential school ha Mawthadraishan bad ka Riangkhain residential school ha Mawshynrut katba lai tylli ha Ri Bhoi ba kynthup ïa ka Umjan Mawtari residential school ha Umsning), Nongrim Synjai residential school ha Umling bad ka Jirang residential school ha Jirang.
