Shillong, Lber 22 : Ka Myntri jong ka tnad Information & Public Relations, Dr. M Ampareen Lyngdoh ka la pyntip ba la pynlut haduh 29.44 lak tyngka na ka bynta ban pyllait ïa ki video ha Youtube ha ka quarter ba khatduh jong ka snem mangtyngka 2022 – 23.
Haba jubab ha ki kynta kylli jingkylli jong ka Ïing Dorbar Thawain ka jylla, ka Myntri ka la ong ruh ba ïa katei ka pisa la pynlut na ka Planning Department.
Tangba, ka ong pat ba kam shym la don kano kano ka jingmang pisa ba kyrpang bad kam don ruh ka jingshim na kiwei kiwei ki tnad na ka bynta katei ka bynta.
Ka Myntri ka la pyntip ruh ba ka jingsiew ïa katei ka pisa la phah beit beit sha ka Youtube Google Ad Account. Katkum ka jingong jong ka, ym shym la pynlut pisa satia ha ki kot khubor ne ki jingwah ha ki jaka paidbah ha kane ka quarter ba khatduh jong ka Financial Year.
