Shillong, Naiwieng, 25: Ka Indian Oil Corporation Limited (IOCL) kaba dei peit ïa ka thaiñ Shatei Lammihngi lyngba ka ophis jong u Chief General Manager (CGM) Indian Oil ka la pynlong ïa ka jingïalang bad ki nongsam LPG Cylinder jong ka Khasi bad Jaiñtia Hills District ha ryngkat bad ka jingïatrei lang bad ka ophis jong ka Online Tent Service Centre, Shillong kaba la shimti ban pyntyllun ïa ka jingpynrung kyrteng ïa ki nongïoh jingmyntoi na kane ka skhim ryngkat ka jingïatrei lang bad ki seng treimon sngewbha, ki kynhun bapher bapher, ki seng samla bad ki Society bapher bapher.
Ha kane ka jingïalang la ïadon lang ryngkat ruh ki heh nongpynïaid jong ka Indian Oil Corporation Limited kata naduh u D.P Vidyarthi, CGM LPG, Indian Oil bad u Kalyan Nath, u Divisional LPG Sales Head na Guwahati.
La pynïaid ïa kane ka jingïalang da ka Sashwati Mudoi kaba long ka Manager LPG Sales hapoh ka jylla Meghalaya. La ïa don lang ruh ki nongsam Gas Cylinder ha ka Jylla kumjuh ruh ki kynhun bapher bapher na baroh ki district jong ka Khasi bad Jaiñtia Hills District.
Ha ka jingai jingkren jong u CGM u la ai mynsiem ïa ki seng trei mon sngewbha lyngba ka jingïarap jong u Bah Jubanlang Kharbihkhiew uba long kum uwei u State Mobiliser ïa kane ka skhim baroh kawei.
