Shillong, Nailar 01: Ka Indian Institute of Management, (IIM) Shillong ka la pynbna ba kan ïatreilang bad ka Middlesex University Dubai (MUD). Kane ka jingïatreilang ka la pynmih sa kawei pat ka sienjam ba ka IIM Shillong ka la kwah ban pynïar ïa ki kam pule shabar ri. Halor kane ka jingïamynjur la pynskhem da u Professor DP Goyal, Director ka IIM Shillong, bad Professor Cedwyn Fernandes, Pro Vice-Chancellor bad Director ka Middlesex University Dubai, ha kaba kane ka la nang kyntiew ïa ka jingpule shajrong ha ki ri ka pyrthei.
Kane ka jingïatreilang ka thmu ban thaw ïa ka rukom treikam halor ki kam pule puthi, ka jingïasam markylliang ïa ki kolshor, bad ki projek wadbniah. La ong ba kine baroh artylli ki jaka pule kin sa pynïasohlang ïa ka jingtip ki samla pule lyngba ki exchange program, ka jingtyrwa ban ïasoh hapdeng ki samla kiba la pule ha ki kyrdan degree, bad ka lad ban mad ïa ki jingnang jingtip. Shuh shuh, kane ka jingïatreilang kan kyntiew ïa ka jingwadbniah lang, nangta ki kam ban kyntiew ïa ki nongtrei bad ka jingsam ïa ki jingnang jingtip bad ki kam shemphang.
Ka IIM Shillong ka la ïaibteng ban aiti ïa ki kam shakri la ka long ha ka jylla ne wat sha ki kam ba ri haba ïadei bad ka pule puthi da kaba pynneh ïa ki jingmut ba shisha jong ka, ban long kum kawei na ki jaka pule ba la ithuh ha ka pyrthei lyngba ki jingkordor bad riti dustur ka ri India.
