Shillong, K’lyngkot 21: U nongïalam ba hakhmat tam jong ka BJP ha ka thaiñ lam mih ngi ka ri uba bat ruh kum u Convenor North East Democratic Alliance (NEDA) ka kynhun ki seng saiñ pyrthei kiba ïatehlok bad ka BJP bad kumjuh uba long ruh u Myntri Rangbah ka Assam u Himanta Biswa Sarma ha ka sngi Saitjaiñ u la pynthikna ba ka BJP kan ym ïatehlok bad kiwei pat ki seng ha kane ka elekshon kaban long ha ka jylla.
“Kum ka party ngin leit marwei ha kane ka elekshon kaba mynta ha Meghalaya bad ngi kyrmen ruh ban leh bha ha kane ka kynti kaba mynta ban ïoh Myntri Rangbah uba na ka BJP,” u la ong.
U la Himanta u l ai ksai ruh ba ka party ha ka jylla ka don ka jingthmu ban pynïeng kyrtong ha baroh 60 tylli ki constituency ha kane ka elekshon ba mynta kaban sa pynlong ha ka 27 Rymphang.
