Yn ïa knieh nam lahduh ka Jaguar FC bad ka Blue Bombers ha phutbol ba 7 lak ka RKSCSC ha Madan Kurkalang

Nongpoh, Nailur 19: Ki ar tylli ki kynhun kin ioh ban ïa knieh noh ïa ka nam lahduh jong kawei na ka tournament kaba heh ha Madan Kurkalang, kaba dei hadien ba ki la pyndep ban ïa khun ïa ka Semi Final bad ka khusnam na ka bynta kane ka tournament ka dei T.5 Lak na ka bynta ka kynhun lahduh bad T. 2 na ka bynta ka kynhun kaba wan baar.
Kum ban pynkynmaw, kane ka tournament ba heh ba la pynlong ha Madan Kurkalang ha Ri Bhoi ka dei ka tournament ba la pynlong da ka Ri Khasi Social & Cultural Sport Club (RKSCSC) bad ki ar tylli ki kynhun ba la ioh ban rung sha ka thup jong ka phainal ki kynthup ïa ka Blue Bombers bad ka Jaguar FC.
Ka kynhun Blue Bombers ka la ioh rung sha ka thup jong ka phainal ka dei hadien ba ka la pynrem ïa ka Galaxy Pynursla FC bad ka Jaguar FC pat ka la ioh rung sha ka thup jong ka phainal ka dei hadien ba mynta ka sngi ka la lah ban pynlie noh ïa ka Ostephi Oiñ FC da 3-1 lyngba ka kol kynthei ba la pynïalehkai mynta ka sngi ha Madan Kurkakalang ha Ri Bhoi.
Kine ki ar kynhun kin ïa knieh ïa ka nam laduh jong kane ka tournament ha ka 23 tarik u Nailur 2023 ha katei ka madan Kurkalang ha Ri Bhoi bad kiba jop kin ioh ban khur ïa ka song pisa kaba 5 lak bad kaba wan baar kan ioh khur ïa ka song pisa kaba T. 2 lak.
Mynta ka sngi ha ka jingïakhun ka Jaguar bad ka Ostephi oiñ ban ïa knieh na ka bynta ban ioh rung sha ka thup jong ka phainal la wan ban shim bynta da u President ka State NPYF, u Bah Kitboklang Nongrem kum u kongsan bad u President ba rangbah ka RBYF ,u Bah Bipul Thangkhiew kum u symbut kongsan ban sakhi ha kane ka sngi bad ruh ryngkat ki kyntien ai mynsiem ïa kitei ki kynhun bad ka Ri Khasi Social & Cultural Sport Club kiba la pynlong ïa kane ka tournament na ka bynta ban kyntiew ïa ka kam ïalehkai phutbol hapoh ka jylla.
Ha kane ka sngi, la sam ruh ia ka khusnam nongialehkai ba kynsai jong kane ka jingiaknieh ban rung sha ka thup jong ka phainal ba la ioh rah da u Nelson Rymbai na ka kynhun ialehkai jong ka Jaguar FC.