Nongstoiñ, Rymphang, 14: Ka Nongstoiñ Block Trinamool Congress, kan pynlong biang ïa ka jingïalap election paitbah ha Nongstoiñ ha ka 20 tarik kaba dei ka sngi ïew Nongstoiñ. U bah Macmillan Kharbani u ba dei u kyrtong bad u President ka Nongstoiñ Block Trinamool Congress, ha u kyrwoh khubor u la ong ba ha katei ka sngi, ki nongïalam ba hakhmat duh jong ka party kin wan ban ai ka jingpynshai paitbah.
Hynrei um pat lah ban pynthikna haduh katno ngut kin wan, namar haduh mynta na ka liang ka Meghalaya State TMC ka dang pynbeit ïa ki prokram bapher bapher bad ïa ki jaka ba ki nongïalam ba hakhmat duh ki dei ban lei tai jngpynshai paitbah.
U la ong ruh ba na ka liang ki paitbah jong ka Nongstoiñ ha kine ki sngi, ki la phaikhmat bha sha ka TMC khamtam ki longkmie, namar ki mat treikam ba ka party ka la pynsngew sha ki paitbah ka la khring bad ktik ïa ki jingmut jingpyrkhat jong ki.
U bah Kharbani u la ong ba ha ka jingïaleh ym ju don u ba kwah ban rem, bad baroh ki kwah jop suda. Hynrei ha ka election pat ka jingjop jingrem ka shong ha ki paitbah. Kumba long haduh mynta ki paitbah jong ka Nongstoiñ constituency ki la pdiang bad phai khmat bha sha ka TMC.
Kumba ka long mynta, shwa ba ki sngi ki la jan tied jingkhang artat ba ka elekshon sha ka iingdorbar thawain ka Jylla ka la hajan ka TMC ka la wanrah ruh ia ki nongialam bahakhmat jong ka party na West Bengal bad ia ki MP khnang ban khring bad ban khroh vote na ki paidbah da kaba buh ruh hakhmat ia ka thong ba kane ka party kan ioh ia ka jingjop ha ki constituency jong ka rilum Khasi bad Jaiñtia nalor ka rilum Garo.
