Shillong, Jymmang 21 : Ka tnad Ministry of Road Transport bad Highway (MoRTH) ka la pyntreikam ïa ka skhim ban ai khusnam ïa kino kino kiba kloi ban ïarap ïa ki lanot aksiden kali da kaba pynkit ïa ki mar mar sha hospital ne ki jaka sumar ne trauma care centre ha i khyllipmat ba kordor tam ban pyllait im ïa ki.
Kane ka skhim ka long ban pynduna ïa kiba iap ha surok haba ïa kynduh ïa ka jingaksiden da kaba pynshlur ïa ki briew ban ïarap ïa kito ki lanot kiba ïa kynduh ïa ki jingjia aksiden kiba sngewsih.
Halor kane ha kane ka jylla la thaw ïa ka District Level Appraisal Committee bad ki dkhot ki long Deputy Commissioner, Superintendent of Police East Khasi Hills, ki dkhot ki long District Medical and Health Officer, District Transport Officer East Khasi Hills. Kino kino kiba leh ïa kane ka kam babha ki dei ban pyntip sha kane ka committee.
