Shillong, Lber : Na ka liang u Additional Superintendent, MIMHANS, Pasteur Hills, Lawmali, Shillong u pyntip ba ka don kawei ka nongpang kaba kyrteng ka Manikola Lama kaba dei ka kurim jong u (L) Karma Lama 55 snem rta kaba shong ba sah ha Cantonment Police Beat House kaba la wan shah sumar hapoh MIMHANS ha ka 23.11.2022 ha ka por 4:30 jan miet.Kane ka nongpang ka la khlad noh hapoh Ganesh Das Govt. Maternal and Child Health Hospital, Shillong ha ka 21.03.2023 ha ka por10:36 mynstep.
Kumta la kyntu ïa kiba haïing hasem bad kiwei pat kiba don jingïadei bad kane ka longkmie ba la khlad noh ba kin wan shimti noh mardor ïa kane ka met kaba don mynta hapoh ka jaka buh metïap jong ka Civil Hospital, Shillong hapoh ka lai sngi naduh ba la pynmih ïa kane ka jingpynbna shwa ban aiti noh ïa ka met sha ki bor pynïaid ka Shillong Municipal Board ban leh ïa kaba donkam.
Ha kawei pat ka bynta na ka liang u Additional Director of Health Services (SS), Civil Hospital, Shillong, u pyntip ba ka don kawei ka metïap jong kawei ka nongpang kaba la khlad noh kaba kyrteng ka kong Regina Marbaniang 52 snem rta kaba shong ba sah ha Nongthymmai, Lumiablot, Shillong.Kane ka longkmie kala wan shah sumar ha ka 20.03.2023 bad ka la khlad noh ha ka 21.03.2023 ha ka por 10:15 mynstep.
Kumta la kyntu ïa kiba haïing hasem bad kiwei pat kiba don jingïadei bad kane ka longkmie ba kin wan shimti noh mardor ïa kane ka met na ka jaka buh metïap jong kane ka hospital hapoh ka lai sngi naduh ba la pynmih ïa kane ka jingpynbna shwa ban aiti noh ïa ka met sha ki bor jong ka Shillong Municipal Board ban leh ïa kaba donkam.
