Shillong, Lber :ïa ka “National Science Day Celebration 2023” kaba ar sngi kynthih ba la khot pynlong da ka State Council of Science, Technology & Environment, Meghalaya bad ïa kaba la kyrshan da ka National Council of Science TechnologyCommunication (NCSTC), Department of Science & Technology la pynkut noh ha kane ka sngi Palei ba la lah hapoh jong ka mat “Global Science for Global Wellbeing.”
U Prof. P.S Shukla, Vice Chancellor ka North Eastern Hill University, Shillong u la ïa don lang ha kane ka sngi kum u Kongsan ha ryngkat u Prof G.Panda, Director of the National Institute of Technology kum u Symbud Kongsan.
Ha kane ka jingrakhe la sakhi ïa ka jingwan ïashim bynta shitrhem da ki dkhot na ki Eco Club jong ki skul kiba dei na ki district bapher bapher ka jylla kaba kynthup ïa ki Science & Maths Amba ssador, ki samla pule na ka tnat Chemistry bad Life Science department jong ka North Eastern Hill University, samla pule BSW na Martin Luther Christian University, ki samla pule B.eD napoh College of Teachers Education (PG), Shillong bad ki khynnah skul na Seven Set, Shillong.
Haduh 31 ngut ki samla pule kiba wan shakhmat ha ka eksamin SSLC bad HSSLC 2021-21 bad kiba heh marks tam ha ka sobjek Science bad Mathematics ruh ki la shah pynkup burom ha kane ka prokram da ka song pisa kaba mar T.1500.
Ha kane ka prokram ba arsngi la sakhi ruh ïa kiba bun ki jingshna kiba ïadei bad ka science da ki scientific institution, ki line department bad grass root innovators.Ha kane ka prokram ba ar sngi la pynlong ruh ïa ka science model exhibition, science skit, puppetryshow, fance dress, drawing / painting, quiz bad extompore speech competition.
Kiba bun ki skul na ka nongbah Shillong bad ki thaiñ ba marjan ki la wan jngoh ïa ki stall exhibition bad ïoh ruh ïa ka lad ban ïoh jingtip ha kaba ïadei bad ki jingleh jingkam kiba ïadei bad ka science.
