Shillong, Lber: Ka Department of Information Technology jong ka MLCU ha ka 23 tarik mynta u bnai ka la pynlong da ka ‘tech fest showcase competition’ ha kaba la wan ïashim bynta da kiba bun tylli ki kolej ban pyni ïala ki projek bad ki jingshem ki jong ki.
Ka jingpynlong ïa kane ka jingïakop ka thmu ban plie ïa k rynsan na ka bynta ki samla pule ba kin pynpaw ïa ka jingtbit ka jong ki ha kaba ïadei bad ka liang ka jingtip kaba ïadei bad ka information technology.
Ki nongbishar kiba la ïa don bynta lang ki kynthup ia I Dr.Pynbianglut Hadem, Scientist -D na ka tnt National Informatics Centre, Meghalaya bad u Bah George Kharmujai uba la shemphang bha ha kaba ïadei bad ka Software Designer and Developer.
Ha kane ka jingïakop ka St. Edmunds College ka la wan ha ka kyrdan kaba nyngkong bad kaba ar, katba ïa ka khusnam kaba lai la ïoh rah da ka St. Anthony’s College.
Shuh shuh shibynta jong kane ka prokram na ka liang u Sir Aiborlang Nongkynrih uba dei u Full Stack Developer and Technology Lead hapoh Sonicbolt Technologies LLP u la ai ïa ka jingkren pynshlur bad ai mynsiem na ka bynta ki samla pule ha kaba ïadei bad ka jingpyndonkam ïa ki tiar jingstad jong kane ka juk bad technology.
