Shillong, K’lyngkot : U Additional Director of Health Services (SS), Civil Hospital, Shillong, da kane u pyntip ba ka don kawei ka metïap jong uwei u briew uba kyrteng u Sarkar Paul 38 snem rta uba shong ba sah ha Lawmali, Polo, Shillong. Une u briew u la wan shah sumar hapoh kane ka hospital ha ka 10.01.2023 bad u la khlad noh ha ka 14.01.2023 ha ka por 9:20 mynstep.
Kumta la kyntu ïa kiba haïing hasem bad kiwei pat kiba don jingïadei bad une u briew ba kin sngewbha ban wan shimti noh mardor ïa kane ka met na ka jaka buh metïap jong ka hospital shwa ban aiti noh sha ka Shillong Municipal Board ba kan leh ïa kaba donkam.
