Ym hun u Bah Pius ïa ka jubab u EM ka Elaka bad CEM ka KHADC halor ka Hima Langrin
Namar ba khlem ïoh ïa ka jingshai ba thikna
Shillong, Risaw 16: U MLA uba dei ruh u MDC jong ka Langrin Constituency u Bah Pius Marwein hadien ba la kut ka Dorbar Tlang jong ka Khasi Hills Autonomous District Council (KHADC) ha ka sngi Palei u la pynpaw ba um hun satia ïa ka jubab jong u EM ka Elaka bad jong u CEM.
Shwa jong kane u Bah Pius u la pynpaw hapoh ka ïing Dorbar haba kyrshan ïa ka motion ba la wanrah da u MDC ka Sohra uba dei ruh u nongialam ka liang pyrshah ha KHADC u Bah Titosstarwell Chyne.
Haba ïa kren bad u nongthoh khubor, u Bah Pius Marwein u la ong ba ki khun ki hajar jong ka Hima Langrin kumba 80-90% ki pyrshah jur ïa ka rai jong ka District Council bat hung biang ia u Syiem uba rim.
Haba ngi wan hapoh kane ka iing Dorbar, “Ngi wan ban ïatai bad ngi wan ban pynsngew ïa ki jingeh khamtam ha kaba ïadei bad ka jingpynskhem shuh shuh ha kaba ïadei bad ki Hima bad ki shnong ki thaw bad kumjuh ruh ki jaka puta bad ka ktien ka thylliej bad kine kidei kiba kongsan”, ong u Bah Pius.
Related Posts
Shuh shuh u Bah Pius u la ong, “Haba wan sha Council kam dei eh tang na ka bynta ka kam pynroi, ha ba ngi wan hangne ngin kren beit ïa ka jingshisha ha kaba ïadei bad ka jinglong ka jingman haor ka jingïakhih ki Hima bapher bapher kaba ngam donkam shuh ban ïathuh baroh kila tip bad iohi lut”.
U Bah Pius u la ong, Ki Hima ki don hapdeng ka jingïakhih, ki don ki Hima ba leit sha Court bad kiba wan ban ïakhih hangne, te kum u nongmih khmat uba dei u MDC ka Langrin kaba nga ruh nga hap hapoh ka Hima Langrin.
“Nga la rah ïa ka mat bad ka jingeh halor ka jinglong jingman hapoh ka Hima Langrin, hynrei ka rukom jubab jong u EM bad CEM ngam hun ïa kata ka jubab bad ngam hun ïa kaei ba ki pynshai…ieh ba ka ei kata ka kam ba ki leh ka bha” ong u Bah Pius.
Shuh shuh u Bah Pius u la ong, “Kumba iohi mynta phi sngewthuh hi ba ki khun ki hajar jong ki khun ki hajar jong ka Hima Langrin bad kumba 80 haduh 90 % ki pyrshah haba thung biang ïa u Syiem barim”.
Ha ka jingshisha ngi hap ban sngap ïa ki khun ki hajar bad ngi hap ban sngap ïa ki paidbah namar ba ngim kwah ba ka Hima kan long ka nongkynti jong no re jong no bad ka jingioh kam dei ban long mar shiteng bad nga la buh ïa kine hynrei nga khlem ioh ïa ka jingshai, ong u Bah Pius.