Shillong, Nailar 26: U Myntri ka sorkar pdeng u Kiren Rijiju u la pynpaw ïa ka jingsngewkhia halor ka jingkynthoh u nongïalam ka Congress u Rahul Gandhi ha kaba ïadei bad ka jingbym don ki “Dalit bad adivasi” ha ka thup jong ka jingïakob thei bha briew jong ka Miss India kaba lah ban la wan kum ka “bal buddhi (juvenile)”.
Ha ka jingïalang Samvidhan Samman Sammelan kaba la long ha Uttar Pradesh ha kaba ïadei bad ka jingdawa caste census, u Gandhi u la ong ba ka India kam lah ban treikam khlem ka jingïashim bynta jong ki “90 per cent” ki nongshong shnong ka ri.
“Nga peit ïa ka thup ki kyrteng jong ka Miss India, kaba ym shym la don kino kino ki jaitbynriew Dalit, adivasi (tribal) ne ki longkmie OBC (Other Backward Classes). Don kiba kren shaphang ka cricket or Bollywood. Wat ki anchor kiba hakhlieh jong ki lad pathai khubor kim dei na kane ka 90 per cent,” ong u Gandhi sha ki lad pathai khubor.
“Ngi kwah ban tip katno tylli ki jaka pule, ki corporate, Bollywood, Miss India ki dei na kane ka 90 per cent. Ngam ong ba tang 90 per cent kim don ha ka thup bad ïa kane dei ban khmih bha,” ong u nongïalam ka Congress.
