Shillong, Risaw 12 : Ki thei ïalehkai kriket ka Meghalaya kiba leit ban mihkhmat sha ka lympung ïalehkai Senior Women’sT20 ha ki la mad nam rem da 14 ron ha ka Tripura ha ka jingïalehkai hynne ka sngi Balang ha Bangalore.
Ka Tripura kaba la tied nyngkong ka buh ka thong ba 146 duh noh 4 wicket ha ki 20 over ha kaba ka Meghalaya kam shym la lah ban kynjoh ïa katei ka thong bad kamai tang 43 ron duh 2 wicket ha ki 9 over.
Ka Tripura ka la tied nyngkong hadien ba ka Meghalaya kaba la jop ïa ka jingkynting pisa ka la kam ban kawang bol nyngkong. Ka Ajima Sangma ka ïoh 1 wicket ai kamai 14 ron ka Debasmita Dutta 1 wicket ai kamai 24 ron, ka Rubi Chettri 1 wicket ai kamai 24 ron bad ka Anita Lodhi (guest player) ka ïoh 1 wicket ai kamai 42 ron na bynta ka Meghalaya.
Ka Anita Lodhi ka tied saw tylli ki saw ron ha ka jingbeh thong ïa ka ron ba la buh da ka Tripura bad pyndep da kaba kamai 21 ron (not out) na ki 10 bol, katba ka Vaincy Chaudhary (guest player) ka la shah pynhap wicket lyngba ka run out bad kamai 16 ron da kaba khyrwit lai tylli ki saw ron na ki 19 bol.
Ka Meghalaya kan pynkhreh pat ban ïakhun pyrshah ïa ka Andhra Pradesh ha ka sngi sngi Palei.
