Jowai, Risaw 12 : Ka lympung ïalehkai jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha Kiang Nangbah Stadium Dongmihsngi Jowai.
Ïa kane ka lympung la pynïaid da ka West Jaiñtia District Sports Association (WJDSA) shi bynta na ka jingrakhe jubilee ksiar jong ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun mynta ka sngi ka kynhun ïalehkai jong ka Dulong SC kala lah ban pynliem da 1-0 kol ïa ka Chutwakhu SC, ïa katei ka shikol na ka Dulong SC la thep ha ka jingïakhun jong ka kylla miet da u Emi wa oo Laloo haka minit ba 88. Lyngka kane ka shikol Dulong SC kala long syndon ka nong jop mynta ka sngi.
Ka jingïakhun lashai ka sngi 13 tarik kan long hadpeng ka Demthring SC pyrshah ïa ka Sailung Ialong SC ha ka por 2 baje shiteng nohphai sngi.
