Shillong, Nohprah 21: Ka Spring of Hope Ministry kan rakhe ïa ka jingdap 10 snem jong ka Spring of Hope Children’s Home kaba don ha Mawlai Mawdatbaki Pata, Shillong ha ka 27 tarik Nohprah, 2024 ha State Central Library ha ka por 4:00 baje janmiet. Kane ka jingrakhe ka kynthup ïa kawei ka program kaba la ai kyrteng “The Journey of Faith’’.
Kane ka dei ka concert ha kaba ka Ministry ka kwah ban khot sngewbha ïa baroh ki briew kiba la ïadon bynta bad ha kine ki jingïaid lynti kaba la 10 snem ba kin wan ban sakhi ïa kane ka sngi. Lyngba kane ka kyrwoh ka Ministry ka kwah ban khot sngewbha ïa baroh ki briew kiba la ïadon bynta ha ki jingduwai bad ka jingai jong ki la ka long da ka jingai ïa ki jaiñ, lane ki jingai da ka pisa,lane ki marbam mardih, kham tam ha kito ki por kaba kum ka Home ka la mad ïa ki jingkyrkhu kaba khraw kaba tuid ha ka Home ha ka por ba la wan lynshop ka jingpang khlam COVID, da ka jingwan jong ki kynhun bapher bapher bad ki ophis treikam bapher bapher, ki bank bad ki riewshimet ruh.
