Shillong, Rymphang, 26: Hapdeng ka jingïaid lynti kaba jwat ka Jaïaw Ehrngiew Transport Society ka la ïoh ïa ka jingbit na u District Transport Officer bad Secretary ka Regional Transport Authority, East Khasi Hills ha kaba ïadei bad ka jingaplai ïa ka Provisional License na ka bynta laiphew sngi ban pyntreikam hapoh ka Meghlaaya Taxi Agregator Operational Rules, 2019.
Ka JETS kan dei ruh ka kynhun banyngkong eh jong ki samla trai jylla ban pyntyllun ïa ka kamai kajih lyngba ki thuk thuk ar shaka ha nongbah Shillong kaba ïa syriem thuk kumba long ka Rapido kaba nabar ka jylla.
Ha u kyrwoh ba la soi da u President ka JETS u samla Pynskhemlang W. Uriah bad u General Secretary u samla Ritik R. Malngiang ka JETS ka la khot bad wer ïa ki trai bad ïa ki nongñiah thuk thuk ar shaka sha ka jingïalang ban ïa pynbeit ïa ka bai shong kali tang hapoh ka nongbah Shillong ka ban sa long ha ka 28 tarik, Rymphang, 2023 ha Upper Jaïaw Lan Sona Lane, Shillong.
