Shillong, Rymphang, 26: Ki shipai BSF kiba ap pahara ha Nayabazar bad ha Ryngku dang shen ki la ïoh kurup ïa ki pisa India bad Bangladesh ha ki ar tylli ki jingkhynra ha khappud jong ka ri India bad Bangladesh.
Ha ka thaiñ Nayabazar, ki shipai BSF kiba la ïohi ïa ki briew kiba ïaid ha khappud ki la pynsangeh ban tohkit hynrei kine ki runar ki la phet krad da kaba shim kabu ïa ka jingdum jong ka miet bad ka jingrben jong ka khlaw. Na kane ka jaka ki shipai BSF ki la ïoh kurup ïa kawei ka pla kaba don 18 lak tyngka ka pisa jong ka ri Bangladesh.
Ha kawei pat ka jingjia, ki shipai BSF kiba ap pahara ha Ryngku, East Khasi Hills ki la pynpulom ïa ka jingthmu jong ki runar kiba kit ïa ka pisa India haduh 3.12 lak tyngka.
