Jowai, Nohprah, 15: Ka Hynñiewtrep Integrated Territorial Organisation (HITO) Jowai Circle, ka khot ïa kito ki candidate kiba ïaleh ïa ka exam LDA-Cum-Typist jong u snem 2021, ban pan jingshai na u Deputy Commissioner ka West Jaiñtia Hills District, ban khot ïa ka interview ha ka 17.12.2024, kat kum ka RTI ba la ujor da ka seng ha ka 17.09.2024, kam don ka jinghun jong ki candidate kiba ïakhun ïa kane ka Post.
Ka seng kat kum ka complain kaba la ïoh napdeng ki katto katne ki candidate kiba ïaleh ïa kane ka post, la pynshlur ïa ki ban mih sha khmat la shai ka sngi, khnang ban ïoh ïa ka sakhi kaba biang lyngba ka jinglam khmat ka seng kaba long kum ka jingpynshlur ïa u wei pa uwei ne kawei pa kawei u ne ka Candidate, khnang ban lait ka jingshaknieh ïa la ka jong ka hok.
U President ka seng u Owansaki Paswet u la ong ba ka kamram jong ki candidate ban mih shakhmat khnang ba kiwei pat kin ïohi ïa ka nuksa khnang ban lait ka jingñiew shiliang kumjuh ruh ban ïoh ka jingbishar kaba khuid kaba suba.
