Shillong, Risaw 30 : Ka Sorkar Jylla lyngba ka Tnad Animal Husbandry & Veterinary, ka la weng noh ïa ki jingpyrkhing kyndon na ka jinglyngshop ka jingpang African Swine Fever (ASF) ha ki lai tylli ki jaka ri sniang ba don ha ka Jylla.
Kine ki jaka ri sniang ki kynthup kawei ha Nongkasen, West Khasi Hills, ka Medium Farm ha Dalu, West Garo Hills bad ka Mawtneng, Nongthymmai Kyrdem, Ri-Bhoi District.
Kane ka jingweng ïa ka jingpyrkhing ka long hadien ba kine ki jaka ki la pyndep ïa ka jingpeit thuh ba 45 sngi naduh ka jingïohpang/iap khatduh ki sniang.
Hynrei khnang ban khang ïa ka jingsaphriang kane ka jingpang, kine ki shnong kin hap ban bud ïa ka bio-containment, bio-security bad kiwei kiwei ki lad jingïada.
