Wat lada shah kren beiñ kreh khoh, ka sorkar kan theh beit puk puk ki kam pynroi

SHILLONG, Jymmang 22: U Symbud Myntri Rangbah ka jylla u Bah Prestone Tynsong uba bat ruh kum u Statr President ka National People’s Party u la ong ba wat lada don kiba bein katno katnu ruh ïa u bad ïa u Myntri Rangbah u Conrad K Sangma, ka sorkar MDA kan theh beit ki kam pynroi puk puk.
Ïa kane u Bah Prestone u la kren ha kawei na ka jingïalap election shiteng samoi na ka bynta u kyrtong MP u Dr. DRL Nonglait kaba la long ha Mylliem Maw-eitnai ha ka 21 tarik u Jymmang 2026.
Shuh shuh u Bah Prestone u la kam ruh ba ka sorkar MDA 2 ba la ïalam da u Conrad K Sangma kum u Myntri Rangbah ka jylla ka la wanrah bun bah ki kam pynroi ha ka Jylla.
U Bah Prestone u la ong ïa ki paidbah jong ka thaiñ, “Phi iohi ne em ïa ka dak jong ka jingwan ki kam pynroi ha ka thaiñ, ai ba kane ka roi ka par kaba ngi na ka Sorkar ha ka jingialam ka NPP kan ai jingkyrkhu ruh ïa kito kiba tim bad kiba kren beiñ kren khot kumjuh kiba dro dur bula ïa u Prestone bad u Conrad”
Shuh-shuh u la ong ba kam lei-lei kiba kren bein kren khoh, hynrei ïa ka roi ka par kin dang ïai bteng ban wanrah shuh sa ar shah lai shah bad ka kin ïa kmen lang kumjuh ïa ka roi ka par.