Shillong, Nohprah 02 : Ki saw ngut ki samla jong ka Jylla ki la ïoh ban khur takma ha ka jingïalehkai Muay Thai kaba la long ha ki lai sngi ha Imphal kaba la tip kum ka Manipur Sangai Festival 3rd Amateur Muay Thai Championship 2022 & Demonstration Game.
Kine ki saw ngut kiba la khur takma ki kynthup u samla Shanbor Kurbah uba la ïoh khur ïa ka takma ksiar ha ka kyrdan ïakhun ba 48-51 kg, u samla Kordor Rynjah ïa ka takma Ksiar ha ka kyrdan jingkhia ba 45-48 kg, u samla Royalson Lapang ïa ka takma Rupa ha ka jingkhia ba 48-51 kg bad u samla Labianglang Thawbri u ïoh ïa ka takma Rnong ha ka jingkhia kaba 68-71 kg.
Halor kane ka jingïoh khur takma na ka liang ka All Meghalaya Muay Thai Association hapoh ka jingïalam u Bah Samuel Hashah uba dei u President ha ka 2 tarik Nohprah 2022 ka kynhun ka la pynkup burom ïa kine ki saw ngut ha ka jingïakynduh bad ki lad pathai khubor ha Shillong Press Club.
Ïa katei ka tournament la pynïaid da ka Amateur Muay Thai Association la pynlong ha State Boxing Arena, Khuman Lampak Sports Complex ha Imphal naduh ka 28 haduh ka 30 tarik u Naiwieng 2022.
