Wan poi ki nongpeit pyrman ka ECI ha West Jaiñtia Hills

0

Jowai, Rymphang 01: U District Election Officer ka West Jaiñtia Hills ula pyntip ba ki nongpeit pyrman ne ki Expenditure Observer (EO) kiba kynthup ïa ka Monika Singh, IRS bad u Pardeep Kumar, IRS na ka bynta ka General Election sha ka ïing dorbar thawaiñ ka jylla (Meghalaya State Legislative Assembly) ïa kiba la thung da ka Election Commission jong ka India na ka bynta ka West Jaiñtia Hills District kila wan poi mynta ka sngi ha nongbah Jowai bad ki sah ha Tyrchi Inn.
Ka Monika Singh, IRS Expenditure Observer kan peit ïa ka 1-Nartiang, 2-Jowai bad ka 7-Amlarem. Ka number phone jong ka ka long 9233513832. Katba u Pardeep Kumar, IRS Expenditure Observer un peit ïa ka 3-Raliang bad ka 4-Mowkaiaw. Ka number phone jong u ka long 923351822. Kino kino ki ba kwah ban ai kano kano ka jingujor, ki lah ban ïa kynduh ïa kine ki Observer ha ka kamra No. 151, ha ophis u Deputy Commissioner, West Jaiñtia Hills District, Jowai naduh ka por 11:00 AM haduh 12 baje shiteng sngi.

Leave A Reply

Your email address will not be published.