Wan poi bun jait ki mar haka  Industrial Exhibition ha Jowai

0

Jowai, Ïaïong 20: Ka ophis jong ka General Manager District Commerce bad Industries Centre, Jowai hynnin ka sngi kala plie ïa ka ïew pyninam kaba la tip kum ka “34th District Level Industrial Exhibition” kaba ar sngi kaba la pynlong ha Ladthadlaboh Indoor Sports Hall (Madan dai Masi) Jowai.
Ïa kane ka ïew pyninam la wan ban plie ïa ka da u MLA ma Wailadmiki Shylla u MLA ka Jowai kum u kongsan, ha ka jingdonlang u Deputy Commissioner ka West Jaiñtia Hills District u bah B. S. Sohliya nalor kiwei kiwei de.
Na ka liang u ma Wailadmiki Shylla haba ai jingkren u kyntu ïa ki samla wad kam wad jam ba kim dei ban pynleit jingmut tang ha ka kam sorkar hynrei dei ban pyrkhat bad ban trei da ki wei de ki jait kam ban ïeng haki kjat katkum ka sap ba ki don.
U la ong ruh hapoh ka jylla kiba bun na ki kamai kajih baheh dei ki bar jylla ba trei kum Restaurant, ki Dhaba, ki Petrol Pump bad kiwei de. Kumta u kyntu ruh ïaki khynnah samla ba kim dei ban lehraiñ haba trei kino kino ki jait jingtrei. Da kaba ong “lada ngi ïeit bad minot ha ki jingtrei kan wanrah shibun ka jingmyntoi”.
Shuh shuh u ong ka jingdon kum kine ki ïew exhibition ka ailad shibun eh ïa ki kynhun kiba pynmih ïa kum kine ki mar ki mata napoh ki shnong jong ki.
Na ka liang u General Manager, DCIC Shri. A. Malngiang ula pynsngew ba kane ka iew pyninam ka long shi bynta ban ai mynsiem ïa ki samla kiba pynmih ïa ki mar jong ki lyngba ka kam ba ki seng, ha ka juh ka por kan ïarap ïa ki ban pynïaid iew ia ki mar tynrai jong ki ymtang hapoh kane ka thaiñ hynrei wat sabar ruh.
Ha kane ka sngi kiba don haduh 42 tylli ki stalls na ki kynhun Self Help Groups kiba la pynpoi shibun jait ki mar ki mata sha kane ka Exhibition ka ban kut mynta ka sngi.

Leave A Reply

Your email address will not be published.