Wan phai ka Khynnah ba shah rahbor ha u bar jylla, ai khublei ka ïing ïa ki Pulit, VPP bad KSU
Khliehriat Kyllalyngkot 16: Ka VPP Narpuh Circle, lyngba ka President, ka kong Deiwi Tongper bad ka Khasi Students Union Narpuh Circle, ki ai ka jingkhublei bad sngewnguh ïa ka tnat pulit jong ka Umkiang PP, East Jaiñtia Hills District namar ka jinglah jong ki pulit ban pyllait im ïa kawei ka khynnah kaba la suba shah rah bor ha u wei u dkhar Muslim, u Farukh Uddin.
Kat kum ka jingiathuh ka kong Deiwi Tongper kaba na Umkiang la ong ba “Katkum ka jingiathuh kane ka khynnah ha kiba haiïng ha sem, ka la ong ba une u khar Muslim uba na Kalain (Assam), u lah rahbor ïa ka da kaba u ai shwa da ki jingbam bad hangta ka la shu leit bud hi ïa uta u dkhar Muslim khlem sngewthuh sngewthaw bad ynda la poi sha Assam kaba dei ka jaka jong u, utei u dkhar u la maham ban pyniap ïa ki hynmen jong katei ka khynnah lada kam treh ïa u”
La ong ruh ka ka khynnah kaba la buhrieh kyrteng, ka la jah na la ïing haduh shitaïew kiba ha ïing ha sem ki la ujor da ka ejahar ha Umkiang PP bad ruh ki la pyrshang ban wad ïa ka, ka shnong ka thaw, ki dkhot jong ka KSU Narpuh kumjuh ruh ki dkhot jong ka VPP na Narpuh ki la ialeh shitom shi katdei eh ban ïa wad lang ïa ka khynnah.
Na ka liang kiba haïing ha sem jong katei ka khynnah ruh ki ai ka jingkhublei ïa ka tnat pulit, ïa ka seng KSU Narpuh bad ïa ka VPP Narpuh Circle kiba la ïarap lem ha ka por ba leit wad ïa katei ka khynnah lem bad ki pulit haduh ban da shem ïa ka.
“Ki bahaïing hasem jong ka khynnah ba shah rahbor ha u khar Muslim u Faruk Uddin ki la ai khublei ruh ïa u Incharge jong ka Umkiang PPP bad kumjuh ruh ïa ki pulit jong ka Women Police East Jaiñtia Hills, Khliehriat, ïaki pulit Kalain bad kumjuh ruh ki Pulit Silchar, Assam ïa ka jingtrei shitom jong ki ban wad ïaka khynnah ba shah rahbor kiba la shim khia bad trei shitom khlem thiah, khlem dem naduh ka sngi ba lah buh ïa ka ejahar haduh ban da shem pat ïa ka khynnah bad sngew kmen ba ka khynnah ka don hapdeng ka met ba koit ba khiah bad ruh kam shym la don kano kano ka jingjia ba sngewsih ha ka longrynieng jong ka” pynkut u kyrwoh.