Wan phai biang u Bah S. Nongtnger kum u SP ka EKH, u Bah Vivek kum u SP (City)

0

Shillong, Lber, 22: U Bah Sylvester Nongtnger u la wan phai ban shimti biang kum u Superintendent of Police (SP) jong ka East Khasi Hills District hadien ka jingshah pynkynriah kam dang shen ban shimti kum u Superintendent of Police (SP) ka tnat Fire and Emergency Service (F&ES), Shillong.
Ïa kane ka jingpynkynriah kam thymmai jong ka Kam Pohïing ka Sorkar Jylla ha ka hukum ba la pynmih da u Lat ka jylla bad ïa ka jingpyntip ba la soi da u Principal Secretary ka tnat Kam Pohïing u Dr. Shakil P. Ahammed ha ka sngi Balang.
Lyngba kane ka jingpynkynriah kam, u Bah Vivek Syiem u la wan phai biang kum u Superintendent of Police (City) hadien ba u la shah pynkynriah kam kum u Asst. Inpector General of Police (Law & Order), Shillong.
Da ka jingai jingmut jong ka Civil Services Board (CSB), u Dr. Raghavendra Kumar uba bat mynta kum u Superintendent of Police (SP) jong ka East Khasi Hills u la shah pynkynriah kum u Superintendent of Police CID, Shillong hadien ka jingpynkynriah kam ïa u Dara Aswaghosh.
U Siddharth Kumar Ambedkar uba long u Superintendent of Police (SP) jong ka South Garo Hills u la shah pynkynriah kum u Superintendent of Police ka East Garo Hills hadien ka jingpynkynriah kam ïa u Abraham T. Sanmga. U Dara Aswaghosh ua long u Superintendent of Police CID u la shah pynkynriah kum u Superintendent of Police Traffic, East Khasi Hills. U Darwin M. Sangma uba long u Superintendent of Police jong ka West Khasi Hills u la shah pynkynriah kum u Superintendent of Police ka tnat Fire & Emergency Services, Shillong.
U Abraham T. Sangma uba long u Superintendent of Police jong ka East Garo Hills u la shah pynkynriah kum u Superintendent of Police jong ka South Garo Hills.
U Bah Chemphang Syrti uba long u Commandant jong ka MLP 3rd Battalion, Khliehtyrshi, West Jaiñtia Hills u la shah pynkynriah kum u Superintendent of Police jong ka West Jaiñtia Hills.
U Ringrang T.G Momin uba long u Superintendent of Police (City) Shillong u la shah pynkynriah kum u Superintendent of Police ka tnat Fire & Emergency Services Tura.
U Bikram D. Marak uba long u Superintendent of Police jong ka West Jaiñtia Hills u la shah pynkynriah kum u Superintendent of Police ka West Khasi Hills.

Leave A Reply

Your email address will not be published.