Ka KHADC ka la dep ai NOC ban shna lynti rel na Tetelia sha Byrnihat

0

Shillong, Lber 22 : Ka Khasi Hills Autonomous District Council (KHADC) ka la dep ai ïa ka No Objection Certificate (NOC) na ka bynta ban shna ïa ka lynti rel na Tetelia sha Byrnihat.
Kane ka long kat kum ka jubab ïa ka starred question ba la wanrah hapoh ka ïing Dorbar Thawaiñ ka jylla da u Symbud Myntri Rangbah ma Sniawbhalang Dhar uba peit ïa ka tnad Transport ha ka Sngi Balang.
U ma Sniawbha u la jubab “ Hooid, ïa ka NOC la dep ai da ka KHADC na ka bynta ka lynti rel na Tetelia sha Byrnihat bad ïa ka bai jaka puta ruh la dep siew sha ki trai jaka.
Hynrei na ka bynta ka lynti rel naduh Byrnihat-Lailad shaduh Shillong ym pat ïoh satia haduh mynta.
U la ïathuh ruh ba na ka bynta kane ka lynti rel la pyllait ruh ïa ka Social Impact Assessment (SIA).
Hynrei wat la katta pat u la ïathuh ba ym pat lah ban sdang ïa ka jingtrei ha Ri Bhoi namar ka don ka jingpyrshah ba jur na ki Seng Bhalang.
Katba ïa ka lynti rel na Dudhnoi sha Mendipathar kaba 18.87 Km mynta ka la treikam bha.

Leave A Reply

Your email address will not be published.