Wad jaka theh ñiut ka Sorkar kham jngai na Shillong

0

Shillong, ïaïong, 14: U Chief Secretary jong ka Sorkar Jylla u Bah Donald P. Wahlang ha ka sngi Thohdieng u la pyntip ba ka Sorkar Jylla ka la thmu ban wad ïa ka jaka ba thymmai na ka bynta ban pynlong jaka theh ñiut ka ban kham jngai katto katne na nongbah Shillong.
Ha ka jingïakren bad ki lad pathai khubor u Bah Wahalnag u la ong ba ïa ka Marten la pyndonkam haduh mynta namarba ki don bun ki kam ba la leh kum ha kaba pynmih ïa ka sboh bad ka jinglum biang ïa ki marjot ban pyndonkam biang.
“Kata ka dei ka daw balei ngi dang lah ban pyndonkam ïa ka haduh mynta hynrei lym kumta ngam tharai shuh ba kan dang long ban pyndonkam kum ka jaka bret jaboh jabaiñ bad nalor kata ka dei ka jingthmu jong ka Sorkar kaba ngi hap ba wad jaka thymmai bad kane ka kam la ïaid shakhmat,” u la ong.
Haba kylli kumno ka Sorkar kan weng ïa ki jingeh jong ki paidbah ki bym kloi ban ai jaka na ka bynta ban buh ïa ka jaka theh ñiut ha ka jylla, u Bah Wahlang, u la ong, “ka don ka daw ïa kaba la tip kum ka ‘NIMBY’ kata, “not in my backyard’. Phi tip, ngi lah ban don ïa ka jaka bret ñiut “hynrei ym ha kyrpong iing” kaba la khot “NIMBY” bad ngi la tip shai ïa kata bad ngi hap ban ïakren pynsngewthuh bha ïa ki, ngi lah ban leit sha ka jaka kaba kham jngai na ka sor kata ka dei kaba kham kongsan hynrei ngin hap ban pyrshang bad ka kam ka dang ïaid shakhmat.”

Leave A Reply

Your email address will not be published.