Shillong, Rymphang 18: Ka khubor ba la ïoh na ki pulit la ïathuh ba u Gahnu Munda, (BSF personnel) u la ïathuh ba ha ka 12 tarik mynta u bnai ha ka por kumba 11.30 baje mynstep, ki runar bym lah ban ithuh ki la thang ïa ka khlaw ha BSF campus kaba don ha Mawpat, Shillong.
Ha kawei pat ka jingjia ki pulit ki la ïathuh ba u Shubham Verma u la phah ka jingujor ba hapdeng ka mied jong ka 12 & 13 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar UK-07FM-2641 kaba la pynïeng harud surok jong ka jaka sah jong u kaba ha Pynthorbah Block-I, Shillong.
Ha kawei pat ka jingjia ki pulit ki la ïathuh ba ka kong Dateilang Kharsati ka la phah ka jingujor ba hapdeng ka mied jong ka 12 & 13 tarik mynta u bnai, ki runar bym lah ban ithuh ki la tuh ïa 5 tylli ki masi napoh ka jaka ri masi kaba ha Mawryngkneng Dong Iapshyndiet (EKH).
