Shillong, Rymphang 22: Ka khubor ba la ïoh na ki pulit la ïathuh ba ka samla Bamelari Diengdoh ka la phah ka jingujor ba ha ka 7 tarik u Kyllalyngkot, 2025 hapdeng ka por 10.30 baje mynstep bad ha ka por 11.30 baje mynstep, uwei uba kyrteng u Beepin Yadav u la lum ïa ka kot ba la longtrai da u Bah Anfan Banbiang Sing Syiem napoh ka Tynring BPO (EKH). Ha kawei ka liang ha ka 5 tarik u Rymphang, ki bahaïing u Bah Anfan Banbiang Sing Syiem ki la ujor lyngba ka phone ba ki khlem pat ïoh ïa kitei ki kot.
Shuh shuh ki bor pulit ki la ïathuh ba ki bor pynïaid jong ka PMC Hq., 101 Area, Officers’ Mess, Shillong ki la phah ka jingujor ba ha ka 17 tarik mynta u bnai ki runar bym lah ban ithuh ki la prong hapoh ka Officers’ Quarter kaba ha 101 Area, Upper Shillong bad ki la tuh ïa ka artylli ki Jaguar Basin Mixer bad kawei ka Jaguar Jet Spray kaba shongdor kumba T. 11,525/- hajar.
Shuh shuh ki pulit ki la ïathuh ba ka Zilekha Khatun ka la phah ka jingujor ba uwei uba kyrteng u John Barman na ka shnong Bongaigaon, Assam, uba donkti ha ki kam khaïi maw, u la thied ki tyre na ka bynta ki dumper truck jong u bad ka la maramot ïa ki tyre jong ki dumper truck hapoh ka dukan jong ka. Kham hadien ka la lap ba utei u briew u la rah noh ïa ki kali jong u sha Bongaigaon, Assam, khlem da siew dep ïa ka pisa jong ka kaba long T. 1,45,750/- lak.
