Ujor ka HITO bym ker sawdong ïa u Transformer ha Sahsniang

0

Jowai, Jymmang 16: Ka Hynñiewtrep Integrated Territorial Organization (HITO) Sahsniang Area ha kane ka 15 tarik u Jymmang hapoh ka jingïalam u President u Overfive Biam kala buh ïaka jingujor haka ophis jong u Assistant Engineer ka MeECL Shangpung Distribution Division hadein baka Seng kala lap ba katei ka office kala shu ieh lyngkrang ïa u Transformer khlem ka jingker kaba biang ban ïada na kino kino ki jingma kiba lah ban mih.
Halor kane naka liang ka Seng kala kdew ba ka jingker sawdong ïa u Transformer ka long kaba donkam ban shngaiñ ka ïaid ka ïeng ki nongshong shnong bad khamtam ïaki khynnah rit kiba ïaid lyngba kane ka jaka, shuh shuh ka seng ka kyntu jur ïa katei ka tnad ba kan shimkhiar mardor ïa kane lym kumta ka seng kan sa leh tyngeh ïa kaba donkam, la pynkut ka kyrwoh na u Publicity Secretary ka West Jaiñtia Hills u samla Yomiki Passah.

Leave A Reply

Your email address will not be published.