Nongpoh, Jymmang 16: Ki katto katne ngut ki samla wad kam pulit kiba la pyndep ruh ïaka jingmareh, ki eksamin bad ki jingdonkam baroh, haduh mynta kim pat hun ïaka jingjah kyrteng jong ki bad khlem shah jied haka personal interview watla ki heh ki marks kumba la paw ruh ba kila don pynban da ki samla kiba rit ki marks ban ïaki kiba shah jied ban ïaleh ïaka Personal Interview.
Kum ban shu pynpaw ba katto katne ngut ki samla kila leit ruh ban pan jingshai naka tnad pulit ha kaba ïadei bad katei ka bynta hadien ba ki dap da ka jingsngewlyngngoh kaba khraw ba kim shym la mih kyrteng haka result kam pulit bala dep pynbna dang shen wat hadien ba ki ioh ka marks kaba kham heh ban ïakiba mih kyrteng ban ïakhun ïaka Personal Interview jong ka post Driver Constable ha kaba naka liang ka tnad pulit kila pynpaw ba kin sa ai da ka jingthoh, hynrei haduh mynta kim pat ioh kano kano ka jingthoh naka tnad pulit halor ka jingshah kyntaid jong ki bad ban ioh jingshai ba pura.
Naka liang kitei ki samla kila pynpaw ba kumba ka tnad pulit kala kular ban ai da ka jingthoh bad ka jingpynshai halor ka jingshah kyntaid jong ki ban ïakhun ïaka personal Interview kitei ki samla ki dang ap khmih lynti haduh mynta ban ioh ka jingpynshai naka tnad pulit.
