Kurup drok heroin ki Pulit Khliehriat bad kem ïa ki shi kurim kiba donkti

0

Khliehriat, Jymmang 16: Ki bor Pulit jong ka East Jaiñtia Hills District, hadien ka jingioh jingtip kaba tikna bha hynnin ka miet ba ki don ki briew kiba wan na ki thaiñ Assam kit ïa ki drok, kumta ki pulit ANTF ha ryngkat ka jingiatrei lang bad ki pulit jong ka Khliehriat Police Station ki la pynlong ka jingpyn ap ktem ha surok national highway-6 hajan Khliehriat Police Station bad dei haduh ka por kumba 2 baje tam hynne mystep ki la ioh bat ïa ki briew kiba kit ïa ki drok herion ha ka met.
Ki ar ngut kiba la kem da ki pulit ki dei kiba la tip kyrteng kum ka Lhingeivah Singson, 35 snem kyrta kaba na ka shnong Phaito, District, Tamenglong, lem bad u kurim jong ka u Lalroho Hmar, 38 snem kyrta uba na ka shnong Chaltathal, district, Cachar, Assam, la ong ba kine ki ar ngut ki la shnong da kawei ka bos kaba wan ka ki thaiñ Assam kaba don u registration number AS-01-LC-7641, hadien ba ki pulit ki la ioh bat ïa kane ka bos ha Khliehriat, ki la pynlong ïa ka jingtalasi kaba jur bad na ka met jong katei ka kynthei la lap hynriew tylli ki synduk sabon kiba rit kiba don ki kynja powder ba khleh rong stem bad rong soh, dei hadien ba la pyndep ïa baroh ki jingleh test, la pynshisha ba ki dei ki drok herion kiba don ka jingkhia kaba 65.92 gram, la leh ia kane ha ka jingskhi lang ki briew paidbah.
Ki pulit ki la kem noh ïa kitei ki ar ngut shi kurim bad la kurup noh ruh ïa u drok lem bad kawei ka mobile phone, ka sim card, ïa ka ejahar ka register ha Khliehriat Police Station hapoh ki kyndon aiñ jong ka NDPS Act bad ka jingtohkit ka dang iaid shakhmat ban lap shuh shuh ïa kiba don kti.

Leave A Reply

Your email address will not be published.