Shillong, Lber 25: Ka seng ACHIK ka la phah da ka jingthoh sha u Myntri Rangbah ka jylla Assam u Himanta Biswa Sarma ban ujor pyrshah ïa u MLA jong ka Congress u Nurul Huda ba la shah kynnoh ba u la ktah kti ïa u Deputy Speaker ka jylla Assam u Dr. Numal Momin.
Ka seng ka ong ba u Dr.Numal Momin dei MLA bad u bat ïa ka kam Deputy Speaker ha ka ïing dorbar jong ka jylla Assam, kum ka seng ka pynrem jur ïa kane ka jingleh jong u tei u MLA jong ka seng Congress, kane kam dei tang ka jingktah kti hynrei ka ktah ïa ka synshar paidbah.
Ha ka kyrwoh kaba la phah mynta ka sngi ka seng ACHIK ka don ryngkat bad u Dr. Numal Momin bad ka seng ka dawa na u Myntri Rangbah ka jylla Assam ba dei ban pynlong ïa ka jingtohkit halor kane ka jingjia bad aiñ ka aiñ kan leh ïa kaba don kam ba nym jia shuh kum kine ki jingjia.
Ha ka juh ka por ka seng ACHIK ka dawa na ka sorkar Assam ba kan ai ka jingïada kaba biang ïa baroh ki nongmihkhmat jong ka jylla Assam ba kum kine ki jingjia kin nym jia shuh ha kiwei ruh ïa ka shithi la soi da u MM Sangma President bad u HR Marak General Secretary ka seng.
