Shillong, K’lyngkot 16: Ka Media Cell jong ka VPP mynta ka sngi, ka la ujor da ka ejahar pyshah ia kawei ka facebook account ba la ai kyrteng vpp dent vpp dent, halor ka jingkynthoh kaba la long khlem akor shaba palat ïa u President jong ka Seng, u Bah Ardent Miller Basaïawmoit.
Ka ejahar ba la aoi da u Dr. Batskhem Myrboh, Nongaiktien ka Party bad u Dr. Rusievan Shangpliang, dkhot ka Media Cell la ai ha u SP ka East Khasi Hills ban wad bad tohkit kadei ka jingno kane ka facebook account bad kumjuh ruh ban tohkit ia u admin ka Group Facebook ba la ai kyrteng “Ka lympung ki khun ka Ri”.
U Dr. Shangpliang haba kren sha ki nongthoh khubor, u la ong ka Seng kam pyrshah ïa kino kino kiba kynthoh ïa u President ne ki nongïalam ka Party, hynrei lada ki jingkynthoh ki la long palat pud bad long khlem akor palat ka Seng kam banse ban ai da ka jingujor,m ym ban wad kput ïano ïano hynrei ban hikai bad ai jingsneng ia ki.
