Ujor bad pynshai ka kong Riyo Siangshai halo ka jingshah ktah ka pynthor rep ha shnong Moolang

Khliehriat, Nailar 04 : Ka kong Riyo Siangshai, kaba dei ka nongshong shnong jong ka shnong Moolang, East Jaintia Hills District, lyngba ka ejhar ba ka la buh ka Ladrymbai Police Outpost, ka la ujor pyrshah ia ki briew ba kynthup ka kong Redial Dkhar, u bah Lan Gabriel Siangshai bad u bahJopsing Latam bad ia u Firstboy Dkhar bad ha kajuh ka por ka la pynshai ruh halor ka jingshah ktah ka pynthor (hali) rep jong ka,ha shwa kane na ka liang ka kong Ridial Dkhar ruh ka la buh ejahar da kaba kynnoh ba haka miet 25/06/2022 u khun ka Riyo Siangshai ula maham ban shoh ban dat bad haka step 26/06/2022 kila leit shoh iaka katba ka dang saitjaiñ, hynrei la pynshai ba haka jingshisha u la leit shon dur katba ka dang thep dewiong hapoh trok.
Katkum ka ejahar, ka kong Riyo Siangshai ka la pynshai ba ka kong Redial Dkhar, u Jopsing Latam lem bad ki paralok ki ju wan ha ka iing sah ka kong Riyo man la ka por bad dawa ban siew T30 lak tyngka namar ka jingjulor ka pynthor rep la ong ruh ba “Ha ka 8 tarik u jymmang ha ka por mynmiet ki la wan bad byrngem ruh ia nga bad ia kiba ha iing jong nga da kaba ong ba lada ngam siew ia ka pisa kumba la dawa kin sa pyniap ia ngi”
“Ngam ju don ne buh dewiong ha kane ka jaka kumba la kynnoh ka kong Redial Dkhar bad lehse kane ka dei ka jingleh bad jingkynnoh jong kiwei pat ki briew bad ka kong Redial Dkhar tang ban ioh kynnoh bad dawa pisa na nga, nga kwah ban pynshai ba ka kong redial Dkhar ka dang tih bad seidewiong na kane kajuh ji ka jaka na ka thliew dewiong kaba doh hajan ka hali bad lehse ka jingjulor jong ka hali jong ka kumba la kynnoh ka lah ban dei na ka daw jong ka jingtih dewiong bad sei dewiong jong ka hi”
Ka kong Riyo Siangshai ka la kynnoh ruh ba u khun jong ka u Jake Siangshai, katba u dang leit ban ring video, hynrei u la lap ba don ka kalikaba dang thep dewiong jong ka kong Redial Dkhar “ka kong Redial Dkhar lem bad u kurim bad u khun jong ka, ki la wan bad knieh ia ka mobile jong u Jake Siangshai, ki la mahan, ki la shoh ia u bad ki la sei ruh da ka wait da ka jingthmu ban dung bad pyniap, hynrei u la lait na ka trsim jong ki, kata hadien ba u kurim jong nga bad u khun u Michial Siangshai ki la wan poi ha kane ka jaka, ngi na ka liang ka iing ngi la pyrshang ban kren pyniasuk bad ki, hynrei ki krem meng bad byrngem pynban ban shoh ban dung ia ngi da ka wait da ka jingthmu ban pyniap ia baroh shi iing” kane ka long katkum ka jingpynshai ka kong Riyo Siangshai lyngba ka ejahar.
Katkum ka ejahar jong ka kong Ridial Dkhar, ka la ujor ba “U Mikhel Siangshai bad u kpa jong u, Ngait Dkhar bad u Michal Siangshai ha ka por ba nga dang saitjain, ki la wan ktah kti ia nga, nga la hylla bad pyrta nangta u lok jong nga bad u khun shynrang ki la wan ban iarap ban pyllait im ia nga, te halor kane ka jingjia nga kum ka kynthei briew nga buh kane ka jingujor pyrshah ia kitei ki lai ngut ki briew kiba thmu ban shim ia ka jingim jong nga.”