Shillong, Nailar 25: Ka jingsniew ka surok naduh Shyiap haduh Lumkynjoiñ jong ka shnong Mawpat ka la pyndiaw ïa kiba leit ban wan lyngba kane ka surok ha kaba bun ki la ud ïa ka jingsniew kane ka surok, kaba hab hapoh Pynthorumkhrah Constituency.
Lah ban ong ba ka shnong Mawpat ka dei ka shnong kaba la heh ha kaba ki don lai tylli ki lad ban rung sha Mawpat, kawei na Shyiap, kawei na Ishyrwat bad kawei na surok NEIGRIHMS sha Lumkynjoiñ kaba pynïasoh ïa ka shnong Mawpat.
Ka jingsniew jong ka surok ka long naduh Shyiap haduh Lumkynjoiñ, na Ishyrwat ka surok ban rung sha jaka sangeh kali hapoh ka shnong Mawpat bad mih sha Shyiap kane ka surok ka long kaba sniew bha.
Bun ki paidbah kiba ïaid lyngba kine ki surok ki la ud haba ïadei bad ka jingsiew jong ka surok ha kaba kila pynsngew ba la bun snem khlem maramot shuh ïa kine ki surok hapoh ka shnong Mawpat, khamtam eh ïa ka surok na Shyiap ban poi sha Lum Kynjoiñ bad na Ishyrwat kaba mih sha Shyiap.
