Shillong, Jymmang 16 : U Special Director General of Police ( Training & Armed Police) jong ka Assam, u Dr Lajja Ram Bishnoi IPS un long u Director General of Police (DGP) ba thymmai jongka jylla Meghalaya.
Kane ka long kat kum ka jingpynbna ba la pynmih da u Secretary ba dei peit ïa ka tnad kam pohïing ( Police) u bah Cyril V Diengdoh mynta ka sngi.
Na ka liang jong ki pulit ophisar IPS ba la jied da ka Union Public Service Commission (UPSC) ha ka jingïalang jongka kaba la long ha ka 9 tarik Rymphang 2022, u Lat ka jylla Meghalaya u la thung ïa u Dr Lajja Ram Bishnong IPS 1991 Batch, uba dei mynta u Special Director General of Police ( Training & Armed Police) Assam ban long kum u DGP ba thymmai ka jylla Meghalaya naduh ka sngi ba un shimti ïa ka shuki.
Napdeng kiba ka UPSC ka la jied u Mukesh Agarwal bad u KV Singh Deo ki dei kiba na ka 1989 Batch hynrei na ka liang ka sorkar jylla ka la jied ïa u Dr Lajja Ram Bishnoi. Kiwei kiba ka jylla ka la phah kyrteng sha ka UPSC ki long I Kong Idashisha Nongrang IPS 1992 Batch bad S Narayan Singh IPS 1991 Batch. I kong Idashisha Nongrang IPS i long mynta i Special Director General of Police jongka jylla bad i dei ruh ma i iba peit shipor ïaka kam DGP tad haduh ban shimti u Dr Lajja Ram.
