Shillong, Jymmang 13: Ka Meghalaya ka la bteng ban synshar ïa ki jingïalehkai jong ka Group A ha ka lympung U-20 Men’s National Football Championship 2026 ha kaba ka la pynliem noh ïa ka Andhra Pradesh da 8-1 ha Narainpur, Chhattisgarh hynne ka sngi Balang.
Shuwa kane ka jingïakhun ka Meghalaya ka la jop ïa ka Bihar da 3-1 ha ka 09 tarik Jymmang bad ïa ka Jharkhand da 5-0 kol ha ka 11 tarik Jymmang.
U Alex Manar (9′, 45′), u Mebanlamlynti Masharing (16′, 28′) bad u Ryan G Kharnaior (48′, 50′) ki la pynkhihjar mar ar sien na ka bynta ka Meghalaya katba u Phermanbha Lyngdoh (58′) bad u Sholinstar Syngkli (84′) ki la thep mar kawei. Ka shi kol jong ka Andhra Pradesh la thep da u B Bharath Kumar Reddy (25′).
Mynta ka Meghalaya kan pynkhreh ïa ka jingïalehkai group stage ba khatduh pyrshah ïa ka Rajasthan ha ka 17 tarik Jymmang.
